MUIÑEIRAS

MUIÑEIRAS

(Popular)

1

Miña Virxen da Peneda,

funlle limpiare a capilla

y-ela díxome dend'o alto;

-Dios che pague, miña filla.

Vale mais un toxo verde,

plantado na miña horta,

que unha mala veciña

d'arredor da miña porta.

Catro aves escondidas

son as que pasan o mar:

o cuco y-a anduriña,

a rula y-o paspallás.

Moreniño, moreniño,

moreno como unha mora,

non sei que ten o moreno

que a todo o mundo namora.

Moreniña ha de ser

a terra que dea centeo.

O home qu'ha de ser bo

ha de picar de moreno

2

Casadiña de tres días

non se cansa de chorar

pol-a vida de solteira

que non ha a de recobrar.

...

a) -Nun xardín do teu país

cinco rosiñas collín.

Eran os cinco sentidos

qu'eu tiña postos en ti.

b) -O primeiro é ver a prenda

que no mundo mais eu quero.

Durmindo estou eu soñando,

soñando estou que te vexo.

c) -O segundo é oir sempre

voces do teu corazón.

Eu non sei de que maneira

che collín tanta afición.

d) -O terceiro é o gustar.

¿E que gusto poido eu ter

estando ausente de ti

e non podert'ir á ver?

e) -O cuarto sentido é ulir

entre rosas d'un xardín.

Soilo che pido, rapaza,

que non te esquenzas de min.

f) -O quinto é soilo tocar.

Eu nunca nada toquei.

O que che pido, rapaza,

que non me perdas a ley.