REGUEIFA

REGUEIFA

(Popular)

A regueifa está na mesa

e no medio ten un hóvo.

Para cantar a regueifa

veñen os de Portonovo.

-Dígame, miña señora,

xa que ten tanto saber:

¿Cantos pelos ten un can

cando acaba de nacer?

-¡Cándo acaba de nacer!

Logo cho digo, amiguiño,

que todo está cheo d'eles

dend'o rabo hastr'o fuciño.

...

-¿De que serviu conocerte,

de que serviu namorarte,

si o fin e o cabo chegou

o momento de deixarte?

-Olvidácheme, olvideite,

mentinch'a figa nos ollos

que cando ti me olvidaches

xa ch'eu tiña amores novos.

...

-Cantade, mozas, cantade

e deixar reir as bellas,

qu'o tempo da mocidade

tamen o pasaron elas.

-Non che podo, non che podo,

non che podo que estou rouca

que che dormin no moiño

esta noite e mail-a outra.

-Non canto por cantar ben

nin pol-a gracia que teña,

canto por dar alegría

ao corazón que ten pena.

-Ainda ch'hei de botar unha

ainda ch'hei de botar outra

ainda ch'hei de botar unha

que ch'ha de queimal-a roupa.

-Axudadem'a cantar,

dádeme unha axudiña,

que non me pode axudar

esta miña gargantiña.

-Esta vai por despedida,

hoxe aquí non canto outra.

Os mociños que me oyen

d´hoxe un ano m'oyan outra.