HIMNO DE ACCIÓN GALLEGA

HIMNO DE ACCIÓN GALLEGA

Ramón Cabanillas

¡Hirmáns! ¡Hirmáns gallegos!
¡Desde Ortegal ó Miño
a folla do fouciño
fagamos rebrillar!
¡Que vexa a Vila podre,
coveira da canalla,
a Aldea que traballa
disposta pra loitar!

Antes de ser escravos,
¡hirmáns, hirmáns gallegos!
que corra o sangue á regos
dend'a montaña ó mar.

Ergámonos sen medo!
¡Que o lume da toxeira
envolva na fogueira
o pazo señorial!
¡Xa o fato de caciques
ladróns y-herexes, fuxe
ó redentor empuxe
da y-alma rexional!

Antes de ser escravos,
¡hirmáns, hirmáns gallegos!
que corra o sangue á regos
dend-a montaña ó val.