NEGRA SOMBRA
(Letra de Rosalía
de Castro / Música de Juan Montes)
Cando penso que te fuches,
negra sombra que m' asombras,
ó pe d'os meus cabezales
tornas facéndome mofa.
Cando maxino qu'es ida,
n-o mesmo sol te m'amostras,
y-eres a estrela que brila,
y-eres o vento que zoa.
Si cantan, es ti que cantas,
si choran, es ti que choras,
y-es o marmurio d'o río
y-es a noite y-es a aurora.
En todo estás e ti es todo,
pra min y-en min mesma moras,
nin m'abandonarás nunca,
sombra que sempre m'asombras.
Comentarios
Publicar un comentario