CANTIGAS POPULARES

CANTIGAS POPULARES

(Arregladas, en forma de pot-pourri, pra o coroAgarimos da Terra por D. Ángel Abad)

1ª

ALALÁ

A rapaza da ribeira

ben dormida pode estar,

que'os suspiros do meu peito

non a poden despertar.

Si das mágoas que fixeches

non te queres acordar,

déixame vir o teu lado,

eu chas saberei mostrar.

2ª

RUADA

Ven, miña xoya,

branca pombiña,

ti es miña y-alma

y-es miña vida.

So por ti vivo,

ven garimosa,

ven miña prenda,

ven miña rosa,

que che quero con toda'a y-alma.

Si non te vexo

non teño calma,

ven que non podo

vivir sen ti,

senón, roxiña,

fuxo d'eiquí.

3

RETESIA (SIGLO XIII)

Esta noite hei d'ir alá,

meniña non teñas medo.

Co'a punta da navalla

quitarei o tarabelo.

-Pensaches que por me rir

que xa me tiñas na man,

inda has de dar tantas voltas

como da o moiño en van.

4ª

REGUEIFA (SIGLO XIV)

Adiós, meu meniño, adiós,

xa que te marchas pr'a guerra.

Non olvides a prendiña

que che queda acá na terra.

5ª

A XOLDA

Fiandeira, tira co'a roca;

costureira, deixa o dedal;

vinde todas á foliada

do souto do conde

saltar e beillar.

¡Viva a fachenda!¡Viva o folgar!

¡Vivan as mozas garridas

do noso lugar!

Aturuxos, xente a barullo;

xa o gaiteiro incha o fol

e nas mesas das rosquilleiras,

moreas de roscas,

resolio e limón.

Miña roxa, bota unha copa;

miña nena, vamos brincar.

¡Vivan as mozas garridas

do noso lugar!