ALALÁS

ALALÁS

(Popular)

1

Non me tires con pedriñas

nin con onzas recortadas;

xa sabes que non te quero;

non me sigas as pisadas.

a) -Pasei pol-a tua porta,

erguin os ollos e vin

un letreiro que decía:

Ti non eres para min.

b) -Eu como sabía ler,

quitei un e puxen outro:

Yi si non es para min

non son eu pra ti tampouco.

O que nunca estivo lonxe

non sabe o qu'é padecer.

De lonxe as penas aumentan

para quen sabe querer.

2

Qu'a rula que viudou

xurou de non ser casada,

nin pensar en ramo verde

nin beber da yauga crara.

Fuches meu primeir amor,

ti m'enseñach'a querer;

non m'enseñes a olvidar

que logo vou deprender.

Miña nai cando me rifa

peta e'o pé no sobrado.

Ela di que non quer xenro

y'eu xa llo teño buscado.

Cada vez que considero

que de ti m'hei de apartar,

énchenseme os ollos d'auga

y-o corazón de pesar.